Akka – O‘rta dengiz sohilidagi shahar. Isroil davlatida. Qadimda Akko deb atalgan. Janubiy Finikiyaning yirik savdo markazi bo‘lgan. Ilk bor mil. av. 15-asr ga oid manbalarda zikr qilinadi. Mil. av. 8–4-asrlarda A. Tir shahar davlati, mil. av. 3-asrda esa Ptolemeylar tasarrufida bo‘lib, Ptolemaida deb atalgan. Mil. av. 2–1-asr boshlarida sa-lavkiylarga, mil. av. 63 yildan Rimga tobe bo‘lgan. 638 yil arablar egallagan, 1104-87 va 1191-1291 yillarda salibchilar qo‘l ostida bo‘lgan. 1516–1918 yillarda Us-monli turk saltanati tarkibida. 1799 yil A. (u paytda Sen-Jan-d’Akr deb atalgan) Napoleon Bonapart armiyasining 3 oylik qamaliga bardosh berib, dushmanni chekinishga majbur qilgan.